‘लाडकी बहीण’ योजनेवर टीका आणि समर्थन; आदिती तटकरेंनी दिलं स्पष्टीकरण

NewsZenn Dec 10, 2024 360 0

विधानसभा निवडणुकीनंतर महिलांसाठी सुरू करण्यात आलेल्या ‘लाडकी बहीण’ योजनेच्या निकषांवरुन राजकीय वातावरण तापलं आहे. निवडणुकीपूर्वी या योजनेअंतर्गत महिलांच्या खात्यात पाच महिन्यांसाठी साडेसात हजार रुपये जमा करण्यात आले होते. यामुळे महिलांकडून महायुतीला मोठा पाठिंबा मिळाला. मात्र, सरकार स्थापन झाल्यानंतर अर्जांची छाननी केली जाणार असल्याच्या चर्चांना उधाण आले.

संजय राऊत यांची टीका:
शिवसेना ठाकरे गटाचे नेते संजय राऊत यांनी, "मतं विकत घ्यायची होती तेव्हा निकष लावले नाहीत, आता का लावताय?" असा सवाल उपस्थित करत सरकारवर टीका केली आहे.

चित्रा वाघ यांचं उत्तर:
भाजप नेत्या चित्रा वाघ यांनी, "पुरुषांनी महिलांच्या नावाने अर्ज केले असल्यास त्यांची चौकशी केली जाईल," असे विधान करून योजनेच्या अंमलबजावणीबाबत सरकारची भूमिका स्पष्ट केली.

आदिती तटकरेंचं स्पष्टीकरण:
माजी महिला आणि बालकल्याण मंत्री आदिती तटकरे यांनी, "लाडकी बहीण योजनेतील अर्जांची छाननी केली जाणार नाही. फक्त तक्रारी आल्यास तपास केला जाईल," असे सांगत महिलांना दिलासा दिला आहे.

महिलांच्या हितासाठी सुरू करण्यात आलेल्या योजनेच्या अंमलबजावणीबाबत राजकीय आरोप-प्रत्यारोप सुरू असून, योजनेचा लाभ घेतलेल्या महिलांमध्ये संभ्रम निर्माण झाल्याचे दिसत आहे.