Yogesh Behl | पिंपरी-चिंचवडमधून योगेश बहल यांना विधान परिषदेसाठी उमेदवारीची जोरदार मागणी

NewsZenn Apr 28, 2026 12 0

पिंपरी-चिंचवड : आगामी विधान परिषदेच्या निवडणुकीच्या पार्श्वभूमीवर पिंपरी-चिंचवड शहरातून राष्ट्रवादी काँग्रेसचे शहराध्यक्ष तथा माजी महापौर योगेश बेहल यांना उमेदवारी देण्याची मागणी जोर धरू लागली आहे. शहरातील आजी-माजी नगरसेवक, पदाधिकारी आणि कार्यकर्त्यांनी एकत्र येत ही मागणी पक्षश्रेष्ठींकडे मांडली आहे.

मुंबई येथे झालेल्या बैठकीत शिष्टमंडळाने पक्षाच्या राष्ट्रीय अध्यक्षा तथा राज्याच्या उपमुख्यंमत्री सुनेत्रा पवार आणि राज्यसभा खासदार पार्थदादा पवार यांची मुंबई येथील देवगिरी या निवासस्थानी सोमवारी (दि. २७) या शिष्टमंडळाने खास त्यासाठी भेट घेतली. देवगिरी निवासस्थानी झालेल्या या भेटीत पिंपरी-चिंचवड शहराला विधान परिषदेत प्रतिनिधित्व देण्याची गरज अधोरेखित करण्यात आली. यावेळी शिष्टमंडळाने सांगितले की, योगेश बहल यांनी १९९२ पासून सातत्याने नगरसेवक म्हणून निवडून येत शहराच्या विकासात महत्त्वपूर्ण योगदान दिले आहे. महापौर, सभागृह नेता, स्थायी समिती अध्यक्ष अशा विविध पदांवर काम करत त्यांनी सामान्य नागरिकांच्या प्रश्नांना प्राधान्य दिले. तसेच काँग्रेस आणि नंतर राष्ट्रवादी काँग्रेसमध्ये संघटन वाढविण्यासाठी त्यांनी सातत्याने प्रयत्न केले.

पक्षाशी निष्ठावान आणि अनुभवी नेतृत्व म्हणून योगेश बहल यांचे नाव सर्वानुमते पुढे करण्यात आले असून, पिंपरी-चिंचवड शहराला यावेळी न्याय देत त्यांना संधी द्यावी, अशी ठाम भूमिका कार्यकर्त्यांनी मांडली. या शिष्टमंडळात माजी माहापौर आणि विद्यमान नगरसेविका डॉ.वैशाली घोडेकर, माजी उपमहापौर हिरानंद उर्फ डब्बू आसवाणी, स्थायी समितीच्या माजी अध्यक्षा सीमाताई सावळे, नगरसेविका वैशाली काळभोर, निकिता कदम, विकास साने, राजू बनसोडे, शेखर चिंचवडे, उज्वला ढोरे, प्रियंका कुदळे, अरुणा लंगोटे, अश्विनी वाबळे, सारिका मासुळकर, प्रतिक्षा जवळकर-लांघी, दिप्ती कांबळे, वर्षा जगताप, माजी नगरसेवक अतुल शितोळे, शाम लांडे, जितेंद्र ननावरे, शिक्षण मंडळाचे माजी सभापती फजल शेख, संतोष बारणे, राजेंद्र जगताप, प्रकाश सोमवंशी, ज्ञानेश्वर कांबळे, सारंग कामतेकर, तानाजी खाडे, ज्ञानेश्वर उर्फ माऊली मोरे, रविंद्र ओव्हाळ, युसूफ कुरेशी, दिपक साकोरे, राजू लोखंडे, निलेश शिंदे, अंबरनाथ कांबळे, गणेश लंगोटे, मंगेश बारणे, हबीब शेख, सचिन बारणे इत्यादींसह अनेक पदाधिकारी आणि कार्यकर्त्यांचा समावेश होता. त्यामुळे या मागणीला शहर पातळीवर व्यापक पाठिंबा असल्याचे चित्र दिसून येत आहे.