वामा वुमन्स क्लबतर्फे महिला बचत गटांसाठी रंगपंचमी विशेष कार्यक्रमाचे आयोजन..

NewsZenn Mar 17, 2025 663 0

बाणेर : वामा वुमन्स क्लबच्या अध्यक्षा सौ. पूनम विशाल विधाते यांच्या वतीने महिला बचत गटांसाठी रंगपंचमी विशेष कार्यक्रमाचे आयोजन बुधवार, १९ मार्च २०२५ रोजी ताम्हाणे चौक, बाणेर येथे सायंकाळी ४ ते ७ वाजेपर्यंत करण्यात आले आहे.

महिलांच्या दिनचर्येत आनंदाचे रंग भरण्यासाठी आणि सणासुदीचा उत्साह साजरा करण्यासाठी हा विशेष कार्यक्रम आयोजित करण्यात आला आहे. विविध खेळ, मनोरंजनात्मक उपक्रम आणि रंगांचा उत्सव यामध्ये महिलांसाठी आकर्षक आयोजन करण्यात आले आहे.

वामा वुमन्स क्लब यांनी दरवर्षीप्रमाणेच यंदाही महिलांसाठी खास रंगपंचमी कार्यक्रमाचे नियोजन केले असून, महिला बचत गटांनी दैनंदिन व्यापातून वेळ काढून या रंगोत्सवात सहभागी व्हावे, असे आवाहन आयोजकांनी केले आहे. रंग, उत्साह आणि आनंदाचा अनोखा संगम या सोहळ्यात अनुभवण्यासाठी सर्व महिला वर्गाने उपस्थित राहावे आणि या आनंदाच्या क्षणाचे साक्षीदार व्हावे.

दिनांक: बुधवार,१९ मार्च २०२५
स्थळ: ताम्हाणे चौक, बाणेर
⏰ वेळ: सायंकाळी ०४.०० ते ०७.००

https://www.facebook.com/profile.php?id=61557693115194