पोलीस भरतीपूर्व प्रशिक्षण कार्यशाळेला तरुणांचा प्रतिसाद
NewsZenn
Oct 31, 2020
1063
0
भोसरी: राजमाता जिजाऊ प्रतिष्ठान तर्फे भोसरी येथे २८ व २९ ऑक्टोबर रोजी तरुण मुला-मुलींसाठी पोलीस भरती प्रशिक्षण कार्यशाळेचे आयोजन करण्यात आले होते. या भरतीपूर्व प्रशिक्षणाचा लाभ अनेक युवक व युवतींनी घेतला. उत्तम शारीरिक क्षमता आणि माफक शिक्षण असणाऱ्या युवकांसाठी पोलीस भरती प्रक्रिया महत्वाची ठरते. १८ वर्षे वयोगटातील युवकांना कायमस्वरूपी शासकीय रोजगार मिळविण्याचा हा एक राजमार्ग असल्याने तरुणांचा कल याकडे वाढत आहे. या कार्यशाळेत लेखी परीक्षेची तयारी, सराव, शारीरिक चाचणीची तयारी यावर सखोल मार्गदर्शन करण्यात आले. अंकगणित, सामान्यज्ञान, चालू घडामोडी, बुद्धिमत्ता चाचणी यावर विषयानुरूप सविस्तर माहिती तज्ज्ञांकडून मिळाल्याने व तरुणांच्या पोलीस भरतीविषयक असलेल्या विविध शंकांचे निरसन झाल्याने तरुणांमध्ये समाधान पाहायला मिळाले. 'नियमित अभ्यास, अभ्यासाची योग्य दिशा, शारीरिक फिटनेस हि या परीक्षेत यश संपादन करण्याची त्रिसूत्री आहे,'असा मोलाचा सल्ला मान्यवरांनी विद्यार्थ्यांना दिला.या कार्यक्रमाचे दीपप्रज्वलन पिंपरी चिंचवड महानगरपालिकेचे जेष्ठ नगरसेवक अजित गव्हाणे व विक्रांत विलास लांडे यांच्या हस्ते करण्यात आले.
Comments (0)
Facebook Comments (0)