बाबुराव चांदेरे यांच्यामुळे गोर-गरीबांची दिवाळी गोड

NewsZenn Nov 2, 2021 844 0

बाणेर : सन २००६ पासून प्रत्येक वर्षी दिवाळीला गोर-गरिबांसाठी राष्ट्रवादी काँग्रेस पार्टी दिवाळी सरंजाम वितरण करीत आहे. प्रत्येक ठिकाणी गोरगरीब नागरिकांना दिवाळी सरंजाम वितरण केले जाते, याचे सर्व श्रेय हे नगरसेवक बाबूराव चांदेरे यांना जाते. त्यांनी या परिसरात सातत्याने १६ वर्षे सरंजाम वितरण केले आहे. बाबुराव चांदेरे यांनी या उपक्रमाचे मुहुर्तमेढ रोवली आज हाच उपक्रम राज्यभरात स्विकारला गेला आहे. प्रत्येक वर्षी हा उपक्रम न चुकता चांदेरे राबवित आहेत. याचा आम्हाला खरंच अभिमान वाटतो, अशा शब्दांत महाराष्ट्र राज्याचे सामाजिक न्याय मंत्री धनंजय मुंडे यांनी कौतूक केले.

राष्ट्रवादी काँग्रेस पक्ष, प्रभाग स्थायी समितीचे माजी अध्यक्ष क्र. ९, बाणेर, बालेवाडी, सुस, म्हाळुगे यांच्या वतीने आयोजित दिवाळी सरंजाम वितरण समारंभावेळी धनंजय मुंडे बोलत होते. समाजातील गोरगरीब नागरिकांशी माझी कायमची बांधिलकी असून त्यांच्या सुख-दुःखात मी कायमच सोबत असेल, दरवर्षी प्रमाणे हा दिवाळी सरंजाम वितरण कार्यक्रम यापुढे ही प्रत्येक वर्षी सुरू राहील, यासाठी मी कटिबद्ध राहीन, अशी ग्वाही स्थायी समितीचे माजी अध्यक्ष तथा नगरसेवक बाबुराव चांदेरे यांनी दिली.

यावेळी भूम, परांडा, वाशी विधानसभा मतदार संघाचे माजी आमदार राहुल भैया मोटे यांनी बाबुराव चांदेरे यांच्या कार्य पद्धतीचे कौतुक केले.

या प्रसंगी ग्राहक पेठचे सचिव सूर्यकांत पाठक, सुनील चांदेरे, अंकुश बालवडकर, जीवन कळमकर, नामदेव चांदेरे, समीर चांदेरे, राजाराम बालवडकर, बाळासाहेब विनोदे, अजिंक्य निकाळजे, युवराज कोळेकर, अमोघ ढमाले, प्रदीप पाडाळे, माजी नगरसेविका रोहिणी चिमटे, सरला चांदेरे, पुनम विधाते, प्रा. रुपाली बालवडकर, शिला भालेराव, सुषमा ताम्हाणे, राखी श्रीराव आदी मान्यवर उपस्थित होते. सूत्रसंचालन नितीन कळमकर, प्रास्ताविक विशाल विधाते यांनी तर डॉ. सागर बालवडकर यांनी आभार मानले.

Click Here To See More