पुणे व पिंपरी चिंचवडकरांसाठी १५० ई-बस

NewsZenn Dec 30, 2020 748 0

नव्या वर्षात होणार दाखल

केंद्र सरकारच्या फेम-२ योजनेअंतर्गत पीएमपी विजेवर धावणाऱ्या (इलेक्ट्रिकल बस- ई-बस) १५० गाडय़ा भाडेतत्त्वावर घेणार आहे. नव्या वर्षांत या गाडय़ा टप्प्याटप्प्याने पीएमपीच्या ताफ्यात दाखल होणार असून प्रति बस ५५ लाख रुपयांचे अनुदान पीएमपीला केंद्र सरकारकडून मिळणार आहे. नव्याने गाडय़ात प्राप्त होणार असल्यामुळे पुणे आणि पिंपरी-चिंचवड शहरातील प्रवाशांना उच्च दर्जाची सुविधा मिळेल, असा दावा पीएमपीकडून करण्यात आला आहे.
केंद्र सरकारकडून फास्टर अ‍ॅडॉप्शन अ‍ॅण्ड मॅन्युफॅ क्चरिंग ऑफ इलेक्ट्रिकल व्हेइकल्स-२ ही योजना हाती घेण्यात आली आहे.
ईव्हीईआय या कंपनीकडून ६३.९५ रुपये प्रति किलोमीटर या दराने गाडय़ा घेण्यात येणार आहेत. गाडय़ा प्रतिदिन २२५ किलोमीटर धावणार असून नव्या वर्षांतील सप्टेंबर महिनाअखेपर्यंत ७५ आणि डिसेंबर अखेपर्यंत ७५ अशा टप्प्याटप्प्याने गाडय़ा ताफ्यात दाखल होतील. या गाडय़ा १२ मीटर लांबीच्या आहेत. चार्जिग स्थानके आणि डेपोसाठी पीएमपीकडून जागा उपलब्ध करून दिली जाणार असून विद्युत खर्च पीएमपीकडून करण्यात येणार आहे. यातील ९० गाडय़ा पुणे शहरात तर ६० पिंपरी-चिंचवड शहरात धावणार आहेत.