पहलगाम दहशतवादी हल्ला : २० हून अधिक पर्यटकांचा मृत्यू; महाराष्ट्रातील चार, त्यात पुण्यातील दोन जणांचा समावेश

NewsZenn Apr 23, 2025 538 0

पहलगाम, जम्मू-काश्मीर : २२ एप्रिल २०२५ रोजी काश्मीरच्या सुंदर निसर्गाच्या सानिध्यात असलेल्या पहलगाममध्ये घडलेल्या दहशतवादी हल्ल्याने पुन्हा एकदा संपूर्ण देश हादरला आहे. या भ्याड हल्ल्यात २० पेक्षा अधिक निष्पाप पर्यटकांचा दुर्दैवी मृत्यू झाला असून, अनेक जण गंभीर जखमी आहेत. विशेष म्हणजे या हल्ल्यात महाराष्ट्रातील चार पर्यटकांचा समावेश आहे आणि त्यापैकी दोन पर्यटक पुण्यातील असल्याची माहिती समोर आली आहे.दहशतवाद्यांचा हा क्रूर प्रकार केवळ निष्पाप जीवांचे बळी घेत नाही, तर संपूर्ण मानवतेवरच आघात करतो. शांततेच्या भूमीत अशा हिंसक घटना पुन्हा एकदा देशातील सुरक्षिततेच्या प्रश्नावर गंभीर चिंता व्यक्त करतात.

हल्ल्यातील जखमी पर्यटकांवर उपचार सुरू असून, त्यांच्यावर वैद्यकीय पथक लक्ष ठेवून आहे. सरकारकडून सुरक्षाव्यवस्थेचा आढावा घेतला जात आहे आणि या घटनेच्या तपासासाठी विशेष पथक तैनात करण्यात आले आहे. हल्ल्यात ज्यांनी आपले प्राण गमावले, त्यांना भावपूर्ण श्रद्धांजली आणि त्यांच्या कुटुंबियांप्रती सहवेदना. जखमी पर्यटकांच्या प्रकृतीत लवकर सुधारणा व्हावी, हीच ईश्वरचरणी प्रार्थना.