लेक असावी तर अशी! वडिलांना जीवनदान देत ममता लांडे ठरल्या प्रेरणादायी

NewsZenn Mar 31, 2026 50 0

पुणे : वडील आणि मुलगी यांच्यातील नातं हे प्रेम, आपुलकी आणि जिव्हाळ्याने भरलेलं असतं. या नात्याची एक हृदयस्पर्शी आणि प्रेरणादायी घटना नुकतीच समोर आली आहे. डॉ. ममता शिवतारे लांडे यांनी आपल्या वडिलांसाठी मोठा त्याग करत त्यांना किडनी दान करून एक अनोखा आदर्श निर्माण केला आहे.

आमदार मा. श्री. विजयबाप्पू शिवतारे यांच्या प्रकृतीबाबत गंभीर परिस्थिती निर्माण झाल्यानंतर डॉ. ममता लांडे यांनी कोणताही विचार न करता किडनीदानाचा निर्णय घेतला. मुलीच्या या धाडसी आणि निस्वार्थ कृतीमुळे त्यांच्या वडिलांना नवसंजीवनी मिळाली आहे.मुलीच्या या निर्णयामुळे कुटुंबीयांबरोबरच समाजातही मोठ्या प्रमाणावर कौतुक व्यक्त होत आहे. वडिलांप्रती असलेली माया, कर्तव्यभावना आणि त्यागाची भावना या घटनेतून स्पष्टपणे दिसून येते.

डॉ. ममता लांडे यांच्या या कृतीमुळे समाजात अवयवदानाबाबत जागरूकता निर्माण झाली असून अनेकांसाठी ही घटना प्रेरणादायी ठरत आहे. योग्य वेळी घेतलेल्या या निर्णयामुळे एका व्यक्तीला नवजीवन मिळाले असून अवयवदानाचे महत्त्वही अधोरेखित झाले आहे. दरम्यान, आमदार विजयबाप्पू शिवतारे यांच्या उत्तम आरोग्यासाठी सर्व स्तरांतून शुभेच्छांचा वर्षाव होत आहे.

#InspiringStory #OrganDonation #FatherDaughterBond #Salute #RealHero #GetWellSoon #HealthyLife #ममता_लांडे