महिला दिनानिमित्त भोसरीत सत्कार सोहळा

NewsZenn Mar 16, 2022 1355 0

कै. सुरेशभाऊ फुगे प्रतिष्ठान तर्फे आयोजन
भोसरी: जागतिक महिला दिन सन्मान देण्यासाठी महिला सशक्तीकरण आणि मुला-मुलींमधील भेदभाव दूर करण्याच्या उद्देशाने साजरा केला जातो. प्रत्येक घरातील स्त्री ही एक शक्तीपीठ असून तिचा आदर केल्यास समाजातील अन्याय, अत्याचार संपण्यास मदत होणार आहे. प्रत्येक महिला आपले कुटुंब सांभाळून आपले कर्तृत्वसिद्ध करत असते. या कर्तृत्वाचा सन्मान म्हणून महिला दिनाचे औचित्य साधत श्रीमती वंदनामाई सुरेशभाऊ फुगे व कै. सुरेशभाऊ फुगे प्रतिष्ठान, प्रज्वलित मित्र मंडळ तर्फे भव्य नागरी सत्कार सोहळा मार्च (ता. १४) रोजी मानससरोवर बिल्डिंग संततुकारामनगर येथे पार पडला.

समाजातील कर्तव्यदक्ष महिला भगिनींचा यावेळी सन्मान करण्यात आला.
कांताबाई सुदाम बालघरे (आदर्श माता पुरस्कार), बेबी पांडुरंग जगताप( वीरपत्नी पुरस्कार), अनिता हर्षल पुंडे (पोलीस नाईक), अलका प्रशांत बोरकर (पोलीस हवालदार), डॉ. माधुरी संजय झांबरे (डॉक्टर), मीराताई कारमोरे (भजन सम्राज्ञी), डॉ. पल्लवी पवार (डॉक्टर), निर्मला जोशी (जेष्ठ शिक्षिका), वैशाली अशोक रोकडे (शिक्षिका, विमा प्रतिनिधी), रुबिना हारून पटेल (आदर्श शिक्षिका), कल्पना अमिताभ पवार (वायसीएम परिचारिका ), डॉ. चैत्राली जेवळीकर (फिजिओथेरपिस्ट), अर्चना मोरे (संस्थापिका,आसरा फाऊंडेशन), पार्वती लक्ष्मण जगदाळे (वीरमाता, वीरपत्नी ), मृणालिनी मुकुंद कुलकर्णी (प्रभारी, पिंपरी चिंचवड पतंजली योगसाधना ), संगीत बाळासाहेब गायकवाड (आदर्श माता ), उषा शिवाजी घुगे (प्रवचनकार), ज्योतिष, विशारद, श्री स्वामी संस्कारवर्ग, (एम. ए समाजशास्त्र ) आदी महिलांना गौरविण्यात आले. त्यांच्या उल्लेखनीय कार्याबद्दल त्यांना हा पुरस्कार देण्यात आला.

या वेळी पिंपरी चिंचवड चे राष्ट्रवादी काँग्रेस पक्षाचे अध्यक्ष मा. अजित गव्हाणे, जालिंदर बाप्पू शिंदे, भारत लांडगे, अनुराधा गोफणे, वैशाली गव्हाणे, नंदकुमार शिंदे, निवृत्ती मामा शिंदे आदी मान्यवर उपस्थित होते. यावेळी सर्वाना प्रेरणा देणारे प्रसिद्ध व्याख्याते श्री नितीन बानगुडे पाटील यांनी अतिशय सुंदर असे व्याख्यान सादर केले. मा. अजितभाऊ गव्हाणे यांची पिंपरी चिंचवडचे राष्ट्रवादी काँग्रेस पक्षाचे अध्यक्षपदी निवड झाल्याबद्दल त्यांचाही सत्कार करण्यात आला.