सिंगल चार्जमध्ये कापते ८० किमीपर्यंत अंतर

NewsZenn Apr 19, 2022 947 0

देशातील दुचाकी क्षेत्रातील पेट्रोल बाइक आणि स्कूटर प्रमाणेच इलेक्ट्रिक बाइक आणि स्कूटरची मागणी देखील वेगाने वाढत आहे. इलेक्ट्रिक दुचाकींची मोठी रेंज बाजारात उपलब्ध झाली आहे. इलेक्ट्रिक टू व्हीलर उत्पादक वारीवो मोटर्सच्या इलेक्ट्रिक स्कूटर क्वीन एसएक्स बाजारात उपलब्ध आहे. आकर्षक डिझाइन आणि चांगली रेंज असलेली स्कूटर आहे. जर तुम्हाला कमी बजेटमध्ये इलेक्ट्रिक स्कूटर घ्यायची असेल, तर या इलेक्ट्रिक स्कूटरची रेंज ते बॅटरी आणि किंमतीपर्यंतची संपूर्ण माहिती येथे जाणून घ्या.

या स्कूटरमध्ये कंपनीने लिथियम-आयन बॅटरी पॅक दिला आहे. BLDC तंत्रज्ञान आधारित मोटर जोडण्यात आली आहे. या बॅटरी पॅकच्या चार्जिंगबाबत कंपनीचा दावा आहे की, सामान्य चार्जरने चार्ज केल्यावर ही बॅटरी ५ ते ८ तासांत पूर्ण चार्ज होते. ही स्कूटर एकदा पूर्ण चार्ज केल्यानंतर ५५ ते ८० किलोमीटरची रेंज देते, असा दावा आहे. स्कूटरच्या ब्रेकिंग सिस्टममध्ये कंपनीने पुढील आणि मागच्या चाकामध्ये डिस्क ब्रेक लावले आहेत. यासोबत सिंगल चॅनल एबीएसही देण्यात आला आहे.

स्कूटर प्रवास आरामदायी करण्यासाठी पुढच्या भागात टेलिस्कोपिक सस्पेंशन आणि मागील बाजूस ड्युअल कॉइल स्प्रिंग सस्पेंशन देण्यात आले आहे. यामध्ये डिजिटल इन्स्ट्रुमेंट कन्सोल, अँटी थेफ्ट अलार्म, डिजिटल स्पीडोमीटर, एलईडी हेडलाइट, एलईडी टेल लाईट, एलईडी टर्न सिग्नल लॅम्प यांसारखी वैशिष्ट्ये देण्यात आली आहेत. कंपनीने ही इलेक्ट्रिक स्कूटर ७५,३०० रुपये (एक्स-शोरूम) पासून सुरू केली आहे. जर तुम्हाला ही स्कूटर खरेदी करायची असेल, तर तुम्ही कंपनीच्या अधिकृत वेबसाइटला भेट देऊन ऑनलाइन खरेदी करू शकता किंवा तुमच्या जवळच्या डीलरशिपला भेट देऊन ऑफलाइन देखील खरेदी करू शकता.

Click Here To See More