समांथा घटस्फोटाच्या घोषणेनंतर प्रथमच सार्वजनिक कार्यक्रमात दिसणार

NewsZenn Oct 12, 2021 659 0

दाक्षिणात्य चित्रपटसृष्टीमधील अतिशय लोकप्रिय अभिनेत्री समांथा ही सध्या चांगलीच चर्चेत आहे. गेल्या काही महिन्यांपासून तिच्यात आणि पती नागा चैतन्य मध्ये सुरू असलेल्या वादामुळे ते सतत चर्चेत होते. त्यानंतर या चर्चेला पूर्णविराम देत समांथाने विभक्त होतं असल्याची बातमी दिली. तिने ही बातमी देत सोशल मीडियावर एक मोठी पोस्ट शेअर केली. समांथा जूनियर एनटीआर द्वारे होस्ट केलेल्या ‘कौन बनेगा करोडपती तेलुगु’ म्हणजेच ‘एवरू मेलो कोटेश्वरुलु’ वर अतिथी स्पर्धक म्हणून दिसेल. विशेष म्हणजे या शोचे तीन सिझन तिच्या पूर्वाश्रमीच्या पतीचे वडील नागार्जुन होस्ट केले होते. पतीसोबत विभक्त झाल्यानंतर पहिल्यांदाच एखाद्या सार्वजनिक कार्यक्रमात भाग घेणार आहे.

समांथा ‘कौन बनेगा करोड पती’च्या तेलगू व्हर्जनमध्ये सहभागी होणार आहे. जेमिनी टीव्हीने नुकताच या खास एपिसोडचा प्रोमो त्यांच्या अधिकृत इन्स्टाग्रामवर शेअर केला आहे. या व्हिडीओत जूनियर एनटीआर समांथाचे स्वागत करतो. ती एव्हढ्या लोकप्रिय व्यक्तीसोबत हॉट सीटवर बसणार म्हणून खूप नर्वस आहे, असे ती त्यांना सांगताना दिसते. तसंच तो ही तिला सांगतो कि, तू लोकप्रिय हॉट सीटवर बसली आहेस. या प्रोमोमध्ये होस्ट समांथासोबत मस्करी करताना दिसला आहे. तसंच तो तिला मस्करीत बोलतो की, “शोमध्ये येणारे इतर स्पर्धक १००० रुपयांवरून १ कोटी पर्यंत पोहोचतात. मात्र समंथा आधीच करोडपती आहे, तरीही १००० रुपायंपासून खेळायला सुरुवात करत आहे. हा दसऱा विशेष भाग असून १४ ऑक्टोबर रोजी प्रसारित होईल.

समांथा आणि नागा चैतन्य विभक्त होण्याच्या घोषणेनंतर तिच्या बद्दल अनेक अफवा सुरू होत्या, तसंच तिला सोशल मीडियावर ट्रोल देखील केले गेले. यासर्वांना सडेतोड उत्तर देत तिने एक पोस्ट शेअर केली. यात तिने लिहिले, ” माझ्या कठीण काळात तुम्ही मला पाठिंबा दिलात त्यामुळे बरं वाटलं. सहानुभूती दाखवल्याबद्दल, काळजीबद्दल आणि माझ्या बद्दल खोट्या अफवा पसरवण्यापासून माझा बचाव केल्याबद्दल सर्वांचे आभार. काही लोक म्हणतात की माझे अफेअर होते, मला कधीही मुले नको होती, मी संधीसाधू आहे आणि आता मी गर्भपात केला आहे,” तिने सोशल मीडिया स्टेटमेंटमध्ये पुढे म्हटले,” घटस्फोट होणं हे एक अत्यंत वेदनादायक प्रक्रिया आहे. मला यातून बाहेर येण्यासाठी वेळ द्या. माझ्या विषयी चुकीचे बोलून परत अफवा पसरवू नका, हे चुकीचं आहे. मी तुम्हाला प्रॉमिस करते की या ट्रोलर्समुळे किंवा इतर कोणामुळे कधीही खचणार नाही.”

समांथा आणि नागा चैतन्यने २०१७ मध्ये विवाहबंधनात अडकले.त्यांच्या लग्नात अनेक दिग्गज कलाकार उपस्थित होते. घटस्फोटाच्या घोषणेनंतर समांथाने तिचे इन्स्टाग्रामवरचे नावं बदलले आहे.

Click Here To See More