दोन हजार युवक-युवतींनी नोकरी मेळाव्याचा घेतला लाभ

NewsZenn Jun 4, 2022 825 0

पुणे महापालिकेचे कार्यक्षम नगरसेवक व विकासाभिमुख नेतृत्व श्री. बाबुराव चांदेरे यांच्या वाढदिवसानिमित्त आयोजित केलेल्या नोकरी मेळाव्याचा २ हजार युवक-युवतींनी लाभ घेतला.

बाणेर-बालेवाडी-सुस-म्हाळुंगे-औंध परिसरातील सुशिक्षित युवक-युवतींसाठी समीर बाबुराव चांदेरे व पूनम विशाल विधाते यांनी बाणेर येथे आज भव्य नोकरी मेळाव्याचे आयोजन केले होते. या नोकरी मेळाव्याचे उद्घाटन श्री. बाबुराव चांदेरे यांच्या हस्ते फित कापुन झाले. यावेळी अर्जुन शिंदे, डॉ. सागर बालवडकर, अर्जुन ननावरे, जंगल रानवरे, संजय ताम्हाणे, मनोज बालवडकर, सुषमा ताम्हाणे आदी मान्यवर उपस्थित होते.

या मेळाव्यात ५६ कंपन्या सहभागी झाल्या होत्या. कंपनी प्रतिनिधींनी पात्रतेनुसार उमेदवारांची निवड केली. यावेळी मान्यवरांच्या हस्ते युवक-युवतींना जॉब कार्डचे वाटप करण्यात आले.

कार्यक्रमाचे प्रास्ताविक रुपाली बालवडकर यांनी तर सूत्रसंचालन शेखर सायकर यांनी केले. प्रणव कळमकर यांनी आभार मानले.

नोकरी मेळाव्यास परिसरातील युवावर्ग मोठ्या संख्येने उपस्थित होता.

Click Here To See More