महापालिका निवडणूक कधी ?

NewsZenn Mar 11, 2022 706 0

अवघ्या काही दिवसांत पुणे महानगरपालिकेचा कालावधी संपणार आहे. त्यामुळे महापालिका निवडणुकीची उत्सुकता आता सर्वांनाच लागली आहे. प्रभाग रचनेचा प्रारुप आराखडा तयार झाल्यानंतर शहरातील राजकीय हालचाली वेगाने होताना दिसत आहेत. महापालिका निवडणूक कधी होणार याविषयी तर्कवितर्क देखील लढवले जात आहेत. त्यामुळे महानगरपालिकेच्या निवडणुकीसाठी सर्वपक्षीय नेते जोमानं कामाला लागले आहेत, तर नव्याने निवडणूक लढवणार याची उत्सुकता देखील शिगेला पोहोचली आहे.

ओबीसी आरक्षणाची आडकाठी
ओबीसी आरक्षण जाहीर झाल्याशिवाय महापालिका निवडणुका घेतल्यास जाऊ नयेत अशी भूमिका खरं तर राजकीय पक्षांनी मांडली आहे. तूर्तास तरी ओबीसी आरक्षण रद्द करण्याचे आदेश सुप्रीम कोर्टाने दिले. राज्य सरकार सध्या यावरही तोडगा काढण्याच्या प्रयत्नात आहेत. राज्य सरकारने विधिमंडळात बिल मांडत राज्य निवडणूक आयोगाकडे असलेले सर्व अधिकार आपल्या ताब्यात घेतले आहे. आता केवळ या बिलावर राज्यपालांची स्वाक्षरी होणे बाकी आहे. राज्यपालांची स्वाक्षरी होताच निवडणुकीच्या तयारीला राज्य सरकार लागू शकेल.

दरम्यान येत्या १४ मार्च रोजी पुणे महानगरपालिकेची मुदत संपत आहेत. त्यामुळे साठ वर्षानंतर प्रथमच पुणे महापालिकेवर प्रशासक नेमण्याची वेळ आली आहे. त्यामुळे महापालिका निवडणुका कधी होणार याची उत्सुकता सर्वपक्षीय नेत्यांसह नव्याने इच्छुक असणाऱ्या उमेदवारांनाही लागली आहे.

Click Here To See More