भाजपचे २५ नगरसेवक राष्ट्रवादीच्या संपर्कत

NewsZenn Feb 25, 2022 770 0

पिंपरी-चिंचवड महापालिकेतील सत्ताधारी भाजपचे २५ ते ३० नगरसेवक आमच्या संपर्कात आहेत. टप्प्या-टप्प्याने त्यांचा प्रवेश होईल, असे राष्ट्रवादी काँग्रेसचे शहराध्यक्ष अजित गव्हाणे यांनी पत्रकारांशी बोलताना सांगितले. दरम्यान, भाजपचे वसंत बोराटे यांनी नगरसेवकपदाचा राजीनामा देऊन राष्ट्रवादीत प्रवेश केला आहे. तर, भाजपच्या नगरसेविका चंदा लोखंडे यांनीही राजीनामा दिला असून त्याही राष्ट्रवादीत प्रवेश करण्याची शक्यता आहे.

भाजप नगरसेवक तुषार कामठे यांनी आज नगरसेवकपदाचा राजीनामा दिला. त्यावेळी आम्ही पदाधिकारी तिथे होतो. कामठे यांचा लवकरच राष्ट्रवादीत प्रवेश होईल. आणखी २५ ते ३० नगरसेवक राष्ट्रवादी काँग्रेसच्या संपर्कात आहेत. महापालिका निवडणुकीत शिवसेनेसोबत युती होण्याची शक्यता आहे. त्याबाबतचा अंतिम निर्णय अजितदादा घेतील. पण, युती झाल्यास त्याबाबतचेही नियोजन चालू असल्याचे शहराध्यक्ष गव्हाणे यांनी सांगितले.

पक्षासाठी काम करणा-या पदाधिका-यांना संघटनेतील पदावर कायम ठेवले जाईल. सक्रिय पदाधिका-यांना बदलण्यात येणार नाही. जे सक्रिय नाहीत. त्यांच्या जागेवर नवीन पदाधिका-यांना संधी देण्यात येईल. कार्यकारणीबाबत लवकरच निर्णय घेतला जाईल. त्याबाबत चर्चा सुरु असल्याचेही त्यांनी सांगितले.

Click Here To See More