पिंपरीकरांनो धोक्याची घंटा; ‘ओमायक्रॉन’चे ४ नवे रुग्ण

NewsZenn Dec 11, 2021 734 0

पिंपरी : कोरोनाचा नवीन विषाणू असलेल्या ‘ओमायक्रॉन’चा संसर्ग झालेल्या पिंपरी-चिंचवड शहरातील ६ रुग्णांपैकी ४ रुग्णांचा रिपोर्ट निगेटीव्ह आला आहे. त्यांना डिस्चार्ज देण्यात आला. तर, नवीन ४ रुग्णांची भर पडली. त्यांना ‘ओमायक्रॉन’चा संसर्ग झाला आहे. हे ४ रुग्ण यापूर्वी नायजेरीतून आलेल्या प्रवाशांच्या सहवासातील आहे.

शहरातील रुग्णसंख्या दहावर गेली. त्यातील ४ कोरोनामुक्त झाले आहेत. सहा रुग्णांवर उपचार सुरु असून त्यांची प्रकृती स्थिर आहे. दरम्यान, महाराष्ट्रात एकूण ७ रुग्ण आज सापडले आहेत. ‘ओमायक्रॉन’ची लागण झालेल्या ६ रुग्णांची दहाव्या दिवशी कोरोना तपासणी करण्यात आली आहे.

यातील ४ रुग्णांचा तपासणी अहवाल निगेटिव्ह आला आहे. या ४ ही रुग्णांना घरी सोडण्यात आले असून, त्यांना गृहविलगीकरणात ठेवण्यात आले आहे. तर इतर २ जणांचा तपासणी अहवाल पॉझिटिव्ह आला आहे. त्यामुळे त्यांना रुग्णालयातच ठेवण्यात आले आहे.

या रुग्णांच्या संपर्कातील २२ रुग्णांपैकी १९ रुग्णांना नवीन भोसरी रुग्णालयात दाखल आहेत. तर ३ रुग्ण खासगी रुग्णालयात दाखल आहेत. या सर्व रुग्णांची प्रकृती स्थिर आहे. या २२ रुग्णांचे ‘ओमायक्रॉन’चा जिनोम सिकव्हेंसिंग तपासणीचे नमुने एनआयव्ही पुणे कडे पाठविण्यात आले आहेत.

Click Here To See More