माजी उपासभापती बंडू खांदवे यांनी स्वतः लक्ष घालत खंडोबामाळ येथील रस्त्याची दुरुस्ती केली

NewsZenn Dec 30, 2021 719 0

लोहगाव येथील खंडोबामाळकडे जाणाऱ्या रस्त्यावर मोठमोठे खड्डे पडले होते. यामुळे त्रस्त नागरिकांनी सुमारे तीन आठवड्यांपूर्वी स्थानिक आमदारांच्या गाड्यांचा ताफा अडवून रस्ता दुरुस्त करून देण्याची मागणी केली होती. स्थानिक शेतकऱ्यांशी बोलणी करून हवेली पंचायत समितीचे माजी उपासभापती बंडू खांदवे यांनी या रस्त्यावर मुरूम टाकून स्वतः लक्ष घालत या रस्त्याची दुरुस्ती केली. त्यामुळे नागरिकांनी समाधान व्यक्त केले.

लोहगाव परिसरात खंडोबामाळ येथील मुख्य रस्त्याची अत्यंत दुरवस्था झाली होती. याबाबत स्थानिक रहिवाशांनी अनेक रस्ता नीट केला जात नव्हता. ठिकाणी पाठपुरावा करूनही हा त्यामुळे खड्ड्यांमुळे त्रस्त झालेल्या नागरिकांनी लोहगावमध्ये विविध विकासकामांच्या भूमिपूजनासाठी आलेल्या आमदार सुनील टिंगरे यांच्या गाड्यांचा ताफा अडवून टिंगरे यांना घेराव घालत कैफियत मांडली. रस्तादुरुस्तीबाबत आमदारांनी स्थानिक पदाधिकाऱ्यांना सूचना केल्या. त्यानंतर टिंगरे यांच्या सूचनेनुसार बंडू खांदवे यांनी खड्डे पडलेल्या रस्त्यावर मुरूम टाकून खड्डे बुजवून हा रस्ता समतल केला. बाळासाहेब खांदवे, नामदेव खांदवे, संदीप खांदवे व ग्रामस्थांचे सहकार्य लाभले. या ठिकाणी राहणाऱ्या नागरिकांनी खांदवे यांचे आभार व्यक्त करताना अनेक दिवसांची मागणी पूर्ण झाल्याची भावना व्यक्त केली.

Click Here To See More